Proxecto audiovisual coordinado pola mestra Mariña Lema, no que o alumnado de 5º C do CEIP Sagrada Familia desenvolve unha ambiciosa iniciativa dinamizadora que está a se converter nun modelo de aprendizaxe lingüística para a rapazada e as súas familias.

Nos vídeos realizados, os estudantes explican dunha forma lúdica e didáctica conceptos e contidos relacionados co medio ambiente, as tradicións galegas, a reciclaxe ou a gastronomía.

Despois de seren recoñecidos co premio Mil Primaveras da RAG, o colexio coruñés suma agora un novo trofeo e faise co premio de ouro do programa da TVG Dígocho Eu!