O Servizo de Dinamización Lingüística de Escolas Católicas de Galicia –co apoio da Secretaría Xeral de Política Lingüística- ofrece esta conferencia que axudará a coñecer, transmitir e revalorizar o inmenso patrimonio inmaterial da toponimia e que, coa axuda das TIC, nos permitirá ademais contribuír á dinamización da nosa lingua.

Correrá a cargo do filólogo e especialista en toponimia Vicente Feijoo, coordinador do Proxecto Toponimia de Galicia da Xunta de Galicia durante 11 anos e na actualidade responsable de Toponimia no Seminario de Onomástica da Real Academia Galega. O acceso é libre e entrada gratuíta ata completar a capacidade dos locais.

• Data: xoves, 16 de marzo
• Horario: 18.00 h – 20.00 h
• Lugar: Salón Nobre do Liceo de Ourense
   
• Data: venres, 17 de marzo
• Horario: 18.00 h – 20.00 h
• Lugar: Auditorio Neira Vilas. Cidade da Cultura