O CPI da Picota de Mazaricos desenvolve dúas das actividades de promoción da lectura máis frecuentes nos centros educativos, tanto de primaria como de secundaria. Neste caso as madriñas lectoras de 2.º de ESO preparan contos para llos ler a un compañeiro ou compañeira de educación infantil e dos primeiros cursos de primaria. Por outra banda, o alumnado dos distintos niveis deste centro leva para a casa mochilas viaxeiras cheas de libros e outros recursos para fomentar a lectura en familia.