A ritmo desta pegadiza música o alumnado do IES Maximino Romero de Lema de Baio-Zas reivindica a dignificación do traballo da terra e dos labores do campo para que a mocidade de hoxe e as xeracións futuras poidan seguir vivindo na aldea e conservar o inmenso patrimonio material e inmaterial do mundo rural. Unha actividade enmarcada en Ao son do rural, un proxecto de centro que está dando moito que falar en toda a contorna.