Co obxectivo de que abrolle o potencial poético do alumnado, os EDLG de varios centros do Val Miñor, en colaboración cos concellos de Baiona, Gondomar e Nigrán, organizan a terceira edición do Certame de poesía Beatriz da Serra, en homenaxe a esta baionesa que nunha das peores épocas para a nosa lingua escribiu as súas cartas para o conde de Gondomar en galego.

O prazo de envío das composicións remata o 17 de maio.