No marco do Mes da Ciencia en Galego, a Institución Galega da Ciencia (Igaciencia), convoca, en colaboración coa Secretaría Xeral de Política Lingüística, a III edición do certame Novos Poliedros, co fin de mostrar a capacidade do galego para dar nomes universais como os dos poliedros. Xa sabemos que podemos nomear perfectamente na nosa lingua cada poliedro coñecido; porén, esta iniciativa supón un paso máis, ao inventarmos novos poliedros e nomes galegos para eles. Un novo salto de nivel para o galego.

O alumnado fabricará un poliedro, tomando como base os novos orixinais de Manuel Díaz Regueiro, e daralle un nome galego, inmatricularao. O nome galego é importante. Un vídeo en galego, explicando como se realizou, tamén se valorará.

Cada centro pode dedicarse a un poliedro exclusivo para el. O primeiro paso é inscribirse no certame e seleccionar o que desexa fabricar (elíxese por orde de inscrición). Recibirá suxestións e consellos para a fabricación (materiais, medios etc.).

Prazo de inscrición: ata o 23 de novembro.

Prazo de envío dos poliedros: ata o 1 decembro.

Entrega de premios para os cinco mellores equipos: 11 de decembro as 12.00 h en Santiago de Compostela.