A compañía Contraproducións trae ao FalaRedes esta peza teatral para adolescentes e adultos. Protagonizada polas actrices Patricia Vázquez e Rebeca Montero e dirixida por Belén Pichel e Cándido Pazó, esta peza aborda a procura da propia identidade de dúas mulleres que chegan aos 50 anos nun momento en que moitos roles dos que tiñan asumidos perden a súa vixencia.

Este outono, A compañeira de piso chegará da man do programa de dinamización lingüística FalaRedes a Noia, Mancomunidade Arousa Norte e GDR-Mariñas Betanzos.