Documental de formato "road movie" (mestura entre o documental sociolóxico e a narración de historias fantásticas) sobre os últimos rastros da Santa Compaña, que pretende difundir unha imaxe diferencial de Galicia a través da súa relación co paranormal. Mestúranse entrevistas reais a testemuñas e visitas a expertos que explicarán a situación real destas aparicións hoxe en día. O traballo conta coas achegas do historiador Carlos Guerra, o psiquiatra Víctor Rodríguez, o farmacéutico Antonio Vila ou o estudoso de temas paronormais Vicente Fuentes, entre outros.