No blog do IES Pino Manso podemos ver un resumo da grande homenaxe que lle fixeron a Rosalía de Castro, ao longo de dous días. Na primeira xornada, despois de ambientar o "escenario", que incluía ata un photocall, o alumnado deste centro, debidamente caracterizado con vestiario da época da autora, recitou e interpretou poemas seus. A segunda xeira foi posible grazas ao intenso labor de deseño e coordinación dos EDLG de secundaria do Porriño, mais a colaboración do concello, e consistiu nunha gran festa na praza que contou con actuacións de cada centro, regueifas, performances... E, para rematar, a degustación dun gorentoso caldo de Gloria.