O vindeiro 21 de decembro, na Casa da Cultura do Milladoiro (Concello de Ames), celebrarase unha foliada solidaria na que se presentará o videoclip O poeta que baila, baseado nun poema de Florencio Delgado Gurriarán. A actividade está integrada no proxecto do mesmo nome, que obtivo un premio de innovación educativa en dinamización lingüística convocado pola SXPL. Alén desta presentación, tamén se recollerán produtos do Nadal para o banco de alimentos do Concello.