O IES Plurilingüe Eusebio da Guarda da Coruña súmase aos actos conmemorativos do Ano Castelao cunha orixinal actividade para este Entroido: Sempre en Galiza, retrincos da sociedade galega do seu tempo. O EDLG convida a comunidade educativa e, particularmente, o seu alumnado a caracterizarse coa vestimenta dos personaxes máis coñecidos das obras do autor. Este será o punto de partida para afondar na figura e valorar o legado do ilustre rianxeiro.