A compañía Teatro dos Ghazafellos volve ao FalaRedes cunha divertida proposta para público familiar: A máquina do tempo. Trátase dun espectáculo participativo que ilustra de xeito ameno e pedagóxico a historia das civilizacións.

Coa axuda dunha sorprendente escenografía, a doutora Mon (Montse Piñón) e o seu axudante Pe (Pepablo Patinho) levarán os nenos e nenas a facer un apaixonante percorrido pola historia.

A máquina do tempo chegará este verán a cinco concellos da Rede de Dinamización Lingüística: Arzúa, Aranga, A Bola, Lalín e Xove.

 

Axenda de FalaRedes 2021. A máquina do tempo
Data e hora	Lugar	Concello	Provincia
Sábado 21 de agosto, ás 18:00 horas	Área recreativa da Veiga	A Bola	Ourense
Sábado 28 de agosto, ás 12:00 horas	Praza do concello	Xove	Lugo
Domingo 5 de setembro, ás 19:00 horas	Praza da Igrexa	Lalín	Pontevedra
Sábado 11 de setembro, ás 12:00 horas	Área recreativa (ao lado do concello)	Aranga	A Coruña
Sábado 11 de setembro, ás 18:00 horas	Multiúsos Terra do Queixo	Arzúa	A Coruña