FalaRedes tráevos este espectáculo de ilusionismo para todos os públicos.

O proxecto está desenvolto polo coñecido Mago Teto, que persegue con el tres obxectivos básicos:

• Darlles a coñecer ás novas xeracións unha figura que xa non é habitual e contribuír así ao mantemento do noso patrimonio.
• Poñer en valor as rutas do Camiño de Santiago como vías de comunicación, como medio económico para os afiadores e como elementos de transmisión e recepción de lingua e de cultura.
• Ofrecer un contido cultural de calidade a través da maxia, máis concretamente da maxia de rúa.
• Dinamizar o uso da lingua galega en contextos ligados á acción cultural.

O Camiño do Afiador xira arredor dunha roda de afiar dos anos 30, herdada polo Mago Teto dos seus devanceiros. O espectáculo fálanos dos afiadores que se desprazaban centos ou milleiros de quilómetros coa única compaña da súa roda dando lugar a mil historias e aventuras que agora o mago pon en escena coa axuda do ilusionismo.

Chegará a partir de agosto ás seguintes entidades: Cidade da Cultura de Galicia, Vilagarcía de Arousa, Monforte de Lemos, Boiro, Verín, Lalín, Arteixo, Sanxenxo e Festival de Cine de Cans.

 

Axenda de FalaRedes 2021. O Camiño do Afiador
Data e hora	Lugar	Concello	Provincia
Venres 13 de agosto, ás 22:00 horas	Casa mariñeira de Portonovo	Sanxenxo	Pontevedra
Xoves 19 de agosto, ás 19:00 horas	Cidade da Cultura	Santiago de Compostela	A Coruña
Sábado 28 de agosto, ás 21:00 horas	Praza da II República	Vilagarcía de Arousa	Pontevedra
Venres 3 de setembro, ás 18:00 horas	Praza da Igrexa	Lalín	Pontevedra
Sábado 4 de setembro, ás 13:00 horas	Festival de Cans	O Porriño	Pontevedra
Domingo 19 de setembro, ás 19:00 horas	Casa da Cultura	Monforte de Lemos	Lugo
Venres 15 de outubro, ás 20:00 horas	Casa da Cultura	Boiro	A Coruña
Sábado 30 de outubro, ás 12:00 horas	Auditorio do Centro Cívico Cultural	Arteixo	A Coruña
Domingo 24 de outubro, ás 19:00 horas	Auditorio municipal	Verín	Ourense