Espectáculo de monicreques para público familiar onde a maxia e o fantástico se mesturan co autóctono.

Circo Galaico é un espectáculo orixinal que quere converter os animais salvaxes da fauna galega, representados por marionetas talladas artesanalmente en madeira, en protagonistas. Estes asisten á chamada do mestre de cerimonias para faceren alarde das súas proezas -forza, equilibrio, danza, malabares....- ao son da música tradicional.

Con este proxecto, Títeres Alakrán aspira, non só a poñer en valor o noso patrimonio inmaterial musical, senón sobre todo a potenciar a lingua como vehículo da arte e da cultura, favorecendo o seu uso a través dunha proposta interactiva e participativa a partir dos xogos e das adiviñas que se propoñen.

 

Axenda de FalaRedes 2021. Circo Galaico
Data e hora	Lugar	Concello	Provincia
Venres 6 de agosto, ás 20:00 horas	Nos xardíns da biblioteca	Baiona	Pontevedra
Sábado 7 de agosto, ás 20:00 horas	Praza de Fontao	Foz	Lugo
Domingo 8 de agosto, ás 12:30 horas	Praza da Constitución	Vilalba	Lugo
Venres 13 de agosto, ás 19:30 horas	Fronte á biblioteca municipal	A Laracha	A Coruña
Sábado 11 de setembro, ás 18:00 horas	Malecón, a carón do río	O Barco de Valdeorras	Ourense
Sábado 18 de setembro, ás 12:00 horas	Banda do Río	Bueu	Pontevedra
Sábado 2 de outubro, ás 18:00 horas	Aula Municipal de Cultura Xulio Cuns	Betanzos	A Coruña
Domingo 3 de outubro, ás 19:00 horas	Casa da Cultura Manuel María	Barbadás	Ourense