Festicultores Troupe presenta un novo espectáculo músico-teatral vangardista e retranqueiro, cheo de optimismo e de bo humor, co que busca contaxiar, a través da música, a ledicia e as ganas de vivir desde o seu innovador escenario móbil de tecnoloxía punta alieníxena-galaica.

O repertorio do espectáculo consta de pezas propias, a maioría inéditas, que tratan de poñer en valor a cultura e a lingua galegas e tamén temas tradicionais galegos versionados ao seu estilo festeiro.

Para os Festicultores, un dos principais obxectivos deste proxecto é animar a mocidade a usar o galego nas súas propostas artísticas e no seu día a día, empregando o humor para poder comunicarse con eles.

O programa FalaRedes levará os Festicultores en agosto a Ordes, Oleiros e Castrelo de Miño.

 

Axenda de FalaRedes 2021. Festicultores Troupe
Data e hora	Lugar	Concello	Provincia
Sábado 14 de agosto, ás 14:00 horas	Alameda	Ordes	A Coruña
Domingo 15 de agosto, ás 20:30 horas	Praza da Rabadeira	Oleiros	A Coruña
Domingo 5 de setembro, ás 20:00 horas	Explanada da ermida de San Bieito	Cenlle	Ourense