Este 2021 cúmprese o oitavo centenario do nacemento de Afonso X, o rei sabio, o que compuxo en galego as Cantigas de Santa María, unha das obras cume da poesía e da música medievais europeas.

Como parte da celebración deste acontecemento, o programa de dinamización lingüística FalaRedes propón, entre outras iniciativas, Sabios, xogos e xograres. Ambientada na época do rei-poeta Afonso X, a actividade inclúe unha presentación inicial, un obradoiro de xogos medievais e unha competición de xogos ao vivo.

Sabios, xogos e xograres chegará a partir do 26 de setembro a Cedeira, Santa Comba, Tomiño, O Grove, San Cristovo de Cea, Monterroso e Quiroga.

 

Axenda de FalaRedes 2021. Sabios, xogos e xograres
Data e hora	Lugar	Concello	Provincia
Domingo 26 de setembro, ás 17:00 horas	Praza Maior	San Cristovo de Cea	Ourense
Xoves 21 de outubro, ás 17:30 horas	Biblioteca Pública	Monterroso	Lugo
Sábado 30 de outubro, ás 11:00 horas	Escola Obradoiro de Goián	Tomiño	Pontevedra
Venres 5 de novembro, ás 18:00 horas	Casa da Cultura	O Grove	Pontevedra
Sábado 6 de novembro, ás 16:00 horas	Casa da Cultura	Quiroga	Lugo
Domingo 21 de novembro, ás 17:30 horas	Edificio Multiúsos	Santa Comba	A Coruña
Mércores 24 de novembro, ás 12:00 horas	Praza Roxa	Cedeira	A Coruña