Un ano máis Os Bolechas presentan a súa xira de Nadal, un espectáculo para toda a familia que chegará a 8 concellos da Rede de Dinamización Lingüística.

Volven os Bolechas cunha trepidante aventura chea de diversión que atrapará a cativada desde os primeiros instantes.

Os Bolechas están a preparar a carta a Papá Noel pero a cousa complícase e deciden seguir o labor comendo noces, que así pensan mellor. Mais as noces teñen a casca moi dura e escachan os dentes… Os Bolechas collen un crebanoces na cociña pero tampouco vale: agora trillan os dedos. Entón alguén chama á porta e aparece… un enorme crebanoces de Nadal chegado directamente desde Alemaña para axudalos. Mais ao pouco de empezar, o convidado fica inmóbil. Os Bolechas chaman ao 112 e a médica descobre que non é humano, é un boneco de corda, pero falta a chave para volver a activalo. Poderán os Bolechas recuperar o seu crebanoces de Nadal?

Axenda de Crebanoces 2021. Crebanoces
Data e hora	Lugar	Concello	Provincia
18 de decembro, 18:00 horas	Auditorio do Edificio Multiúsos	Santa Comba	A Coruña
19 de decembro, 18:30 horas	Auditorio Municipal	Vimianzo	A Coruña
23 de decembro, 16:30 horas	Salón de Actos da Casa do Concello	Abadín	Lugo
26 de decembro,18:00 horas	Auditorio Municipal	Verín	Ourense
29 de decembro,18:00 horas	Casa da Cultura	Viana do Bolo	Ourense
30 de decembro,18:00 horas	Auditorio Centro Sociocultural	Negreira	A Coruña
2 de xaneiro,12:30 horas	Centro Social Polivalente en Viaño Pequeno	Trazo	A Coruña
4 de xaneiro,18:00 horas	Auditorio Municipal Cine Alovi	As Pontes	A Coruña