Velaquí seis novos capítulos do Dúo Vaguedades, formado por Isabel Risco e Fran Rei, que se converterán de novo en Rosalía de Castro e Eduardo Pondal.

Trátase dunha iniciativa que mestura humor e música, realiza un achegamento a diversos aspectos que definen os galegos e as galegas, ao valor da lingua e, sen perder o ton cómico, a algúns dos fitos máis sobranceiros do patrimonio histórico e cultural.

Esta nova edición conta coas colaboracións de Saleta Fernández, Paco Nogueiras e Xurxo Souto, entre outros.