Libro dixital que fai un percorrido en cinco capítulos polos distintos períodos prehistóricos de que existe hoxe constancia arqueolóxica na provincia de Pontevedra. Nel amósanse os xacementos e monumentos máis emblemáticos destas etapas. O traballo está destinado a todos os públicos, especialmente ao descoñecedor deste patrimonio, pero tamén pode ser do interese de especialistas.

Contén arredor de 500 fotografías en cor, ademais de ilustracións de Inés Vázquez e doutros autores. Conta coa colaboración de varios museos e dos arqueólogos E. Méndez Quintas, M. J. Bóveda, X. L. Vilaseco, J. M. Rey e R. Rodríguez.