A Secretaría Xeral de Política Lingüística bota a andar un novo programa de promoción da lingua galega para concellos pertenentes á Rede de Dinamización Lingüísitca (RDL) que toma como base a toponimia de Galicia.
A SXPL, en colaboración cos EDLG de 7 centros educativos das provincias de Ourense e Lugo, levará adiante, por primeira vez, o proxecto educativo multidisciplinario Pelerinaxes, elaborado por Simone Saibene, director de cine italiano residente na Cidade das Burgas.
Está en marcha a sexta edición do programa de dinamización lingüística FalaRedes, que lles leva aos concellos da Rede de Dinamización Lingüística novas propostas para gozar do tempo de lecer en galego.
Bota a andar unha nova edición do programa de dinamización lingüística O galego campa da Secretaría Xeral de Política Lingüística e da Dirección Xeral de Xuventude, Participación e Voluntariado cos obxectivos de favorecer o desenvolvemento da actividade en galego no contexto dos campamentos de verán da Xunta de Galicia e mais de facilitarlle formación e recursos ao monitorado para a realización de actividades que animen os rapaces e rapazas a se expresar nesta lingua.
En xullo e agosto volve Redecinema, un programa de verán que emprega o cine como ferramenta de dinamización lingüística, cos obxectivos de promover a creatividade con base en galego e aumentar a oferta de produtos de ocio e cultura na nosa lingua
Un ano máis, a Secretaría Xeral de Política Lingüística e a Dirección Xeral de Educación, Formación Profesional e Innovación Educativa, en colaboración coa Corporación de Radio e Televisión de Galicia e mais con OQO editora, resolveu o concurso de curtas de animación en galego Nós tamén creamos!, que ten os obxectivos de promover unha imaxe positiva da lingua galega, favorecer o seu uso e aprendizaxe en novos ámbitos e formatos e dar a coñecer as opcións de ocio en galego que lles ofrece aos cativos o web da Televisión de Galicia.
Por cuarto ano consecutivo está en marcha o Proxecto Dragal, que impulsa a Secretaría Xeral de Política Lingüística a través dos equipos de dinamización da lingua galega. Trátase dun programa multidisciplinario de animación á lectura e á creación en galego coas tecnoloxías da información e da comunicación, que parte da triloxía homónima da escritora Elena Gallego Abad.
A Secretaría Xeral de Política Lingüística, Renfe Viaxeiros, ADIF, Leite Noso, Editorial Galaxia e o Equipo de Dinamización da Lingua Galega do IES de Arzúa únense nun programa de homenaxe a Carlos Casares construído arredor do interese polo tren que mostraba o autor das Letras 2017 e o papel relevante que este medio de transporte tivo na súa vida.
Carlos Casares Mouriño nace na cidade de Ourense o 24 de agosto de 1941. Sendo un neno, a súa familia trasládase a Xinzo de Limia, onde o pai, Francisco Casares, traballará como mestre. A súa infancia desenvólvese nun ambiente entre aldeán e vilego, entre Xinzo e as aldeas de Beiro, Lamas e Sabucedo, que deixará unha fonda pegada na súa obra.
Xuventude.net fixo públicos os gañadores e gañadoras da edición 2017 de Lingua de namorar, un concurso en liña de mensaxes de amor en galego convocado pola Consellería de Cultura, Educación e Ordenación Universitaria e pola Consellería de Política Social, a través da Secretaría Xeral de Política Lingüística e da Dirección Xeral de Xuventude, Participación e Voluntariado, respectivamente.