No IES Chapela xa é tradición elaborar cada ano seu mural-homenaxe a un persoeiro destacado da nosa literatura, acompañándoos de diversas actividades para divulgáreno. Deste xeito, van convertendo os muros exteriores do centro en fermosas obras artísticas de dinamización da nosa cultura, realizadas polo alumnado, como se pode ver nos vídeos das dez edicións desta orixinal iniciativa.

Neste ano 2026 exaltan a figura de Begoña Caamaño, a quen se lle dedican as Letras Galegas, cunha pintura que representa a Circe e Morgana, protagonistas das súas obras. Tamén escoitamos un manifesto que axuda a coñecer a biografía da autora e o sentido desas novelas que escribiu, ademais dunha lectura compartida de fragmentos delas, na que participou a irmá da homenaxeada, Beatriz Caamaño.