Por iniciativa das secretarías xerais de Política Lingüística e de Cultura, os centros de estudo do galego no exterior póñenlle o ramo á programación conmemorativa da estadía do Pergamiño Vindel no Museo do Mar de Galicia con esta peza audiovisual na que o alumnado de galego recita as cantigas de Martín Códax na lingua en que foron escritos e mais na súa propia. É unha homenaxe ao trobador galego máis universal e ao idioma en que escribiu estes versos.
O Foro Enrique Peinador e a Secretaría Xeral de Política Lingüística lanzan un vídeo para animar a consumir produtos etiquetados en galego durante as próximas festas de Nadal.
Dicionario latín-galego para móbiles con máis de 30.000 entradas elaborado polos profesores Raúl Gómez Pato e José Carracedo Fraga. Polo de agora, está dispoñible para calquera dispositivo con sistema Android, mais os seus creadores están traballando xa nunha versión compatible con iOS.
O comité de expertos encargado do seguimento da Carta Europea das Linguas Rexionais e Minoritarias emitiu en xaneiro de 2016 o seu cuarto informe para España, relativo ao cumprimento deste tratado internacional no período 2010-2013. A partir deste documento, o Consello de Europa fai 6 recomendacións que as autoridades deberán seguir para garantir o cumprimento da Carta.
Documento do Consello de Europa que proporciona unha base común para a elaboración de programas de linguas, orientacións curriculares, exames, manuais etc. en toda Europa.
