Magosto e concerto en Vitoria

11/11/2022 Volver

Actividade do CEG da Universidade do País Vasco. Como cada ano, en 2022 a Facultade de Letras da UPV/EHU celebra o seu tradicional magosto. Nesta edición, as castañas compartirán protagonismo coa música: da man de Gorka Bravo Barreiro e Karlos Subijana achegarémonos aos "Vestixios musicais do Camiño de Santiago: influencia recíproca da música antiga e a música tradicional".

Este concerto didáctico terá lugar no Pavillón Universitario do Campus de Áraba o día 17 de novembro ás 17:30. Despois, desprazarémonos ao hall da Facultade de Letras para probar as primeiras castañas da tempada.