O Colexio de Avogados de Santiago de Compostela, coa colaboración da Secretaría Xeral de Política Lingüística, celebra a XI edición da Xornada Xustiza e Lingua, Reflexións para a Normalización, dirixida a profesionais dos servizos lingüísticos e da xustiza, a alumnado das escolas de práctica xurídica e de Dereito e a persoas interesadas en xeral.

A Comisión de Normalización da Facultade de Ciencias da Educación da Universidade de Santiago, en colaboración coa Secretaría Xeral de Política Lingüística, programa unha nova edición destas xornadas dirixidas a alumnado, persoal docente e investigador e mais persoal de administración e servizos das tres universidades galegas, así como a outros profesionais da educación interesados en mellorar o uso e coñecemento dos recursos didácticos en galego dirixidos á poboación adulta.

Escolas Católicas de Galicia, co apoio da Secretaría Xeral de Política Lingüística, organiza a XIII Xornada de Normalización Lingüística, destinada a todo o profesorado de centros públicos, concertados e privados.

A Concellería de Cultura do Concello de Ourense, Normalización Lingüística e o Festival de Cine Internacional de Ourense (OUFF), en colaboración coa Secretaría Xeral de Política Lingüística, convocan o VIII Certame de Cinema OUFF Escola, dentro da 22ª edición do Festival de Cine de Ourense, que se celebrará en 2017.

A Secretaría Xeral de Política Lingüística colabora co Instituto de Estudios Bercianos (IEB), coa Comisión Cultural Martín Sarmiento e coa Real Academia Galega (RAG) na organización do Simposio do Bicentenario de Antonio Fernandez Morales / XI Xornadas de Autor IEB Antonio Fernández Morales: o cantor do Bierzo, que se desenvolverá en Ponferrada, en Vilafranca do Bierzo e en Cacabelos os días 15, 16 e 17, respectivamente, co gallo de renderlle tributo ao cantor en galego máis importante desta área galegofalante.

O Día Europeo das Linguas, o Consello da Cultura Galega, coa colaboración da Secretaría Xeral de Política Lingüística, celebra esta xornada para analizar a presenza da lingua galega e doutros idiomas minoritarios no campo do comercio e da industria.

ORDE do 10 de maio de 2017 pola que se establecen as bases reguladoras para a concesión de subvencións para a edición en lingua galega de recursos didácticos curriculares para niveis non universitarios, e se procede á súa convocatoria (ED106A).

EXTRACTO da Orde do 10 de maio de 2017 pola que se establecen as bases reguladoras para a concesión de subvencións para a edición en lingua galega de recursos didácticos curriculares para niveis non universitarios, e se procede á súa convocatoria (ED106A).

Resolución de concesión

RESOLUCIÓN do 11 de xullo de 2017, da Secretaría Xeral de Política Lingüística, pola que se conceden subvencións ás entidades locais de Galicia para a promoción do uso da lingua galega, ao abeiro da convocatoria regulada na Orde do 6 de abril de 2017.

Orde do 6 de abril pola que se establecen as bases para a concesión de subvencións ás entidades locais de Galicia para a promoción do uso da lingua galega e se procede á súa convocatoria (procedemento ED115A).

Resolución das xefaturas territoriais da Coruña e Pontevedra 

A Escola Galega de Administración Pública, en colaboración coa Consellería de Cultura, Educación e Ordenación Universitaria a través da Secretaría Xeral de Política Lingüística, convoca tres cursos de nivel medio e tres de nivel superior de linguaxe administrativa galega.