Unha curtametraxe "profesional" elaborada polas rapazas e rapaces de 3º de ESO do IES Plurilingüe Pintor Colmeiro, que acaba de recibir o 1º Premio no Festival Cineduca do Ateneo de Santiago de Compostela 2024.

A trama móstranos o complexo plan dun “comando” de estudantes para dar a coñecer a figura e obra de Luísa Villalta, a autora homenaxeada nas Letras Galegas, entre a comunidade educativa. A videocreación difunde os títulos da súa escrita e os seus versos, cos que o alumnado xoga a crear diálogos ou videopoemas. Ademais, a banda sonora está interpretada, gravada e producida integramente no centro de ensino.

Parabéns por este merecido recoñecemento!