Entre as moitas actuacións (audiovisuais, programas de radio, recitados...) que se están a desenvolver no IES Isaac Díaz Pardo de Sada para homenaxear a Luísa Villalta, destaca esta unidade didáctica elaborada por profesorado e alumnado do derradeiro centro no que a senlleira autora exerceu a docencia. Alén das referencias á súa biografía e aos aspectos máis salientables do seu legado, o traballo proponnos un ilustrativo percorrido polos espazos que marcaron a súa traxectoria vital e literaria.