FALAREDES 2017
A galiña azul
FalaRedes 2017 ábrese cunha actividade que, sen deixar de servir aos obxectivos de promoción do galego que guían dende sempre este programa de dinamización lingüística, constitúe tamén unha homenaxe ao autor a quen a Real Academia Galega lle dedica este ano o Día das Letras Galegas: Carlos Casares. Trátase de A galiña azul, unha adaptación teatral do libro de relatos homónimo escrito por Casares destinada a público de 6 a 10 anos e ás súas familias.
A galiña azul contén cinco historias entrelazadas que transmiten mensaxes tan importantes como a defensa da diversidade lingüística, a importancia das diferenzas ou a liberdade de expresión. Para iso, a compañía responsable da adaptación, Ubú Teatro, emprega diferentes técnicas, como a narración oral, a manipulación de monicreques ou o clown.
Cada familia asistente recibirá, ao finalizar a representación, un exemplar do libro de Carlos Casares A galiña azul en edición especial para a Rede de Dinamización Lingüística.
Baixo xestión de Editorial Galaxia, esta actividade do FalaRedes chegará esta primavera a 21 concellos da Rede de Dinamización Lingüística. Velaquí os primeiros lugares e datas onde fará parada:
Axenda de FalaRedes 2017. A galiña azul | |||
---|---|---|---|
Data e hora | Lugar | Concello | Provincia |
3 de marzo, 18:00 | Auditorio Municipal | Valga | Pontevedra |
4 de marzo, 12:30 | Salón García | Vilagarcía de Arousa | Pontevedra |
4 de marzo, 17:30 | Auditorio Municipal | Ribeira | A Coruña |
5 de marzo, 12:00 | Capela do Centro Cultural Municipal Torrente Ballester | Ferrol | A Coruña |
5 de marzo, 18:30 | Casa da Cultura | Melide | A Coruña |
10 de marzo, 18:30 | Salón de actos da Casa da Cultura Poeta Manuel María | Foz | Lugo |
11 de marzo, 18:30 | Casa da Xuventude | Mondoñedo | Lugo |
17 de marzo, 20:00 | Teatro Lauro Olmo | O Barco de Valdeorras | Ourense |
18 de marzo, 18:00 | Local Xente Nova de Tabeaio | Carral | A Coruña |
19 de marzo, 12:00 | Centro Cultural A Fábrica | Oleiros | A Coruña |
24 de marzo, 18:30 | Casa da Cultura Poeta Lois Pereiro | Monforte de Lemos | Lugo |
25 de marzo, 18:00 | Auditorio Constante Liste | Teo | A Coruña |
26 de marzo, 12:00 | Salón de actos da Casa da Cultura | Xinzo de Limia | Ourense |
27 de marzo, 18:00 | Espazo Cultural Lorenzo Varela | Monterroso | Lugo |
31 de marzo, 18:00 | Auditorio da Xunqueira | Redondela | Pontevedra |
1 de abril, 18:00 | Auditorio da Casa da Cultura de Bertamiráns | Ames | A Coruña |
2 de abril, 12:00 | Auditorio da Casa da Cultura | Ribadavia | Ourense |
2 de abril, 17:00 | Sala Azul do Auditorio Municipal | Ourense | Ourense |
8 de abril, 18:00 | Auditorio V Centenario | Baiona | Pontevedra |
11 de abril, 18:30 | Museo Ramón María Aller | Lalín | Pontevedra |
12 de abril, 18:00 | Auditorio Municipal | Cangas | Pontevedra |