Lingua de namorar 2017

A Consellería de Cultura, Educación e Ordenación Universitaria e a Consellería de Política Social, a través da Secretaría Xeral de Política Lingüística e da Dirección Xeral de Xuventude, Participación e Voluntariado, respectivamente, convocan unha nova edición de Lingua de namorar, o concurso en liña de mensaxes de amor en galego dirixido á mocidade.

 Lingua de namorar está dirixido a mozos e mozas con idades comprendidas entre os 14 e os 35 anos. Os seus obxectovs son dinamizar o uso da lingua galega entre a mocidade nas relacións interpersoais e nas novas tecnoloxías, nomeadamente na Internet e na mensaxería instantánea, e mais incrementar a percepción do galego como unha lingua que é útil para os momentos de lecer e de diversión.

Como participar

Para participar no concurso abonda con premer na ligazón "Envía as túas mensaxes" e cubrir o formulario antes do 5 de marzo. Ademais da mensaxe ou mensaxes, cómpre indicar os datos persoais e de contacto. Cada participante poderá enviar un máximo de dúas mensaxes en lingua galega cunha extensión máxima de 350 caracteres. Todos os textos presentados serán publicados na páxina do concurso identificados co seu título e mais cun número.

Do 6 ao 10 de marzo abrirase un prazo para votar por un máximo de 3 mensaxes de cada categoría. As persoas que queiran participar só como votantes, tamén deberán rexistrarse. O xurado do concurso reunirase unha vez rematado o prazo de votación e elixirá as declaracións gañadoras entre as 50 mensaxes máis votadas polos usuarios e usuarias en cada unha das categorías.

Categorías e premios

Establécense dúas categorías de participación e tres premios por cada unha:

Categoría A: de 14 a 19 anos

  • Primeiro premio: Smartphone Wiko 5'' Qcore3, 16 GB
  • Segundo premio: Cámara instantánea Fujifilm 46x26 MM
  • Terceiro premio: Smartwatch Airis 1,54” Micro SIM, Micro SD

Categoría B: de 20 a 35 anos

  • Primeiro premio: Cámara réflex Canon EOS 1300D, 18 Mp, Full HD, WiFi
  • Segundo premio: Tableta Samsung Galaxy Tab A 10,1” Ocore, 16 GB
  • Terceiro premio: Smartwatch SPC 9616T