Con esta excelente proposta de actividades de Nadal do EDLG do CEIP Campomaior, o mes de decembro convértese nunha auténtica festa neste centro de Ordes. Alén dos xogos, cancións, coreografías e outras actuacións lúdicas programadas no calendario, tamén se inclúen outros materiais (historia do Apalpador, carta aos reis, etiquetas para agasallos…) que poden resultar moi útiles para toda a comunidade educativa, incluídas as familias.