V Certame de Podcasts en Galego Xosé Mosquera Pérez «O Vello dos Contos»
Convócase o V Certame de Podcasts en galego e portugués Xosé Mosquera Pérez, o Vello dos Contos, organizado, coa colaboración da Secretaría Xeral de Política Lingüística da Xunta de Galicia, polo IES Plurilingüe Rosalía de Castro de Santiago de Compostela, Arraianos Producións e o colectivo Ponte … nas Ondas!
Gañadores da 5ª edición de Podcast Escolar Xosé Mosquera Pérez, “O Vello Dos Contos”
Categoría de primaria
1. Un pobo lírico, do CEIP de Atín- Cela (Mos, Pontevedra). Vídeo
2. Don Paco, do CEIP Mestre Valverde Mayo (Mos, Pontevedra)
3. Rimando a Fernández del Riego, do CEIP San Martiño (Pontevedra, Pontevedra)
Categoría de secundaria
1. Ping Pong con Francisco Fernández del Riego, do IES de Cotobade (Cerdedo-Cotobade, Pontevedra). Vídeo
2. Na procura de Fernández del Riego, do IES de Foz (Foz, Lugo)
3. Vidas ilustres, do CPR Plurilingüe Divino Salvador (Vigo, Pontevedra)
Convocatoria
Poderá concorrer a estes premios o alumnado de 10 a 18 anos dos centros de ensino de educación primaria (de 5º e 6º cursos) e secundaria de Galicia, así como doutros centros de ensino non universitario de Galicia e daqueles que imparten ensinanzas de réxime xeral, do mesmo nivel, fóra da Comunidade Autónoma. Así mesmo, poderá participar o alumnado da mesma idade das escolas do Norte de Portugal.
Presentaranse podcasts orixinais e inéditos relacionados coa vida e obra e Francisco Fernández del Riego, o autor a quen se lle dedica o Día das Letras Galegas en 2023, ou con outros aspectos do patrimonio cultural material e inmaterial de Galicia e do Norte de Portugal, cunha duración máxima de tres minutos.
Establécense os seguintes premios:
- Premio ao mellor traballo do alumnado de 5º e 6º cursos de primaria de Galicia e dos centros que imparten ensinanzas de réxime xeral, do mesmo nivel, fóra da Comunidade Autónoma.
- Premio ao mellor traballo dos centros de educación secundaria e doutros centros de ensino non universitario de Galicia e dos que imparten ensinanzas de réxime xeral, do mesmo nivel, fóra da Comunidade Autónoma.