O alumnado de 4º ESO A e B do IES de Chapela ocupouse de toda a elaboración destes impactantes audiovisuais. O primeiro, "Estou contigo", desenvolto a partir do relato homónimo de Séchu Sende, da súa obra Made in Galiza, transmítenos unha mensaxe de compromiso, loita, orgullo e identidade. O segundo, "Coma lobos", baseado no conto de Carlos Casares incluído en Vento ferido, trata do medo, o silencio e a dignidade. Parabéns a estas promesas do noso cinema!