No marco do proxecto de innovación en dinamización lingüística titulado "De mar e terra. O xardín da memoria", que desenvolveu este curso o EDLG do IES Ramón Cabanillas, nace este entrañable audiovisual que lles rende homenaxe a todas as familias que perderon a alguén no mar, para que non caian na desmemoria. Inspirado en terribles feitos reais que aínda sacoden a vila do instituto, trata tamén a outra perda de memoria, a ocasionada polo alzhéimer, cada vez máis presente nos nosos días.