O alumnado da FP Básica e da ESPA da EPAPU de Ourense conmemorou o Día Europeo das Linguas cunha actividade organizada polo EDLG, poñendo en valor a riqueza e diversidade lingüística do centro.

Responderon a un cuestionario sobre linguas e diversidade lingüística, as linguas do mundo, o galego e outras realidades lingüísticas próximas.

A actividade completouse con retos nos que tiveron que identificar idiomas, recoñecer palabras procedentes doutras linguas e descubrir diferentes sistemas de escrita.

Comprobaron a propia diversidade lingüística do centro ao escoitar o alumnado falar en sueco, árabe, alemán ou éuscaro, entre outras linguas.

Para finalizar, baixo o título «A palabra que quero compartir», todo o alumnado achegou ao taboleiro do corredor unha palabra significativa na súa vida, na súa lingua materna ou noutras linguas, e así foi aparecendo o galego, o árabe, o inglés, o alemán... e varias linguas africanas.