Volver

VIII Mostra de Entroido da Ulla (Entroido de Arcos - Mazaricos)

Centro: CIFP Compostela, CEEPR Aspanaes-Duques de Lugo, CEIP Lamas de Abade, EI Raiola, IES Lamas de Abade, CEIP Apóstolo Santiago, Santiago de Compostela (A Coruña); CEIP Pérez Viondi, A Estrada (Pontevedra)
Curso: 2020/2021

Ante a imposibilidade de que a comunidade educativa da contorna de Lamas de Abade poida reunirse e celebrar a mostra como en anos anteriores, os centros organizadores do evento gravaron este completísimo audiovisual sobre a tradición do Entroido na parroquia de Arcos. Unha montaxe na que, ademais de poder ver a peza As xeneralas da Ulla de Títeres Cachirulo, tamén poderedes escoitar a entrevista ao estudoso Manuel Pérez, as simpáticas coplas das xeneraliñas, e a actuación dos nenos e nenas do CPI A Picota de Mazaricos, convidados especiais desta edición.

Alén deste traballo, a organización quixo lembrar as sete celebracións anteriores nas que os protagonistas foron, ademais dos xenerais da Ulla, algúns dos entroidos máis nomeados de toda Galicia, dende Viana do Bolo, Cobres ou Laza ata Chantada, Verín ou Bande. Un excelente traballo desenvolvido desde 2014 que evidencia a importancia desta tradición na nosa comunidade e pon de relevo o esforzo dos docentes para manter este legado e transmitírllelo ás xeracións máis novas.