O IES Arcebispo Xelmírez I e a Secretaría Xeral de Política Lingüística convocan a décima edición do Certame de Banda Deseñada AXI, no que colaboran os departamentos de Debuxo, Artes Plásticas e Imaxe, ademais do Equipo de Dinamización da Lingua Galega.

O concurso, aberto á participación de estudantes de ensinanza secundaria, bacharelato e ciclos formativos de toda Galicia, pretende fomentar a lingua galega e a creatividade a través da banda deseñada.