Xa está á disposición de todo o profesorado este excelente material didáctico sobre Rosalía de Castro elaborado por docentes dos CEIPP Bragade, CEIP Ramón de la Sagra, CEIP Juan Fernández Latorre, CEIP Cidade Vella, CEIP Juana de Vega, CEIP Rosalía de Castro, CEIP Fogar, CEIP Ramón Otero Pedrayo, CEIP Emilia Pardo Bazán, CEIPP Sofía Casanova, CEIP Vicente Otero Valcárcel e CEIP Plurilingüe Manuel Murguía.

O traballo inclúe, entre outros contidos, un cartel en tamaño A4, exercicios de comprensión lectora e unha ampla variedade de actividades lúdicas (encrucillado, labirinto, taumatropo, dados...) moi útiles para celebrar o 23 de febreiro e dar a coñecer a figura e o legado da nosa ilustre poetisa entre o alumnado de infantil e primaria.