Multitudinaria homenaxe de Escolas Católicas de Galicia a Ricardo Carvalho Calero a través da lectura colectiva das súas obras por parte do profesorado, o alumnado e as súas familias. Os centros participantes de Santiago de Compostela dramatizaron a peza A farsa das zocas, os da Coruña leron fragmentos da novela Scórpio e os de Ferrol contaron o relato As pitas baixo a choiva. Nas demais provincias, centráronse fundamentalmente na produción lírica do autor: así, os colexios de Lugo recitaron poemas compilados en Futuro condicional, os de Ourense, textos de Pretérito imperfeito e os de Vigo, de Reticências.