A actividade do EDLG do CEE María Mariño da Coruña intensifícase, nestas semanas previas ao 17 de maio, cos preparativos da celebración dos Día das Letras Galegas 2023. Alén da organización da romaría popular e da xornada de xogos tradicionais que desenvolverán conxuntamente con maiores do Centro de Día de Sada, o traballo tamén se complementa coa confección de adornos para o evento. Entre outros destacan estas orixinais bandeirolas, que se ilustran con palabras que comezan polos grafemas referidos á festividade e os seus correspondentes pictogramas. Unha boa mostra de iniciativa inclusiva na que participará toda a comunidade educativa do colexio e outras institucións da contorna.