A Secretaría Xeral de Política Lingüística e Feiraco lanzan un ano máis a campaña das Letras Galegas 2023, na que se inclúen unha serie de accións de dinamización da lingua galega coas que a cooperativa agrogandeira galega se suma á festa do 17 de maio desde o ámbito socioeconómico, entre elas o XI Certame de Certame de Relatos Breves Feiraco. Letras Galegas 2023.

O Certame de Relatos Breves Feiraco chega á súa XI edición para incentivar a creación literaria. presenta dúas categorías de participación: nivel 1 (para alumnado de 5º e 6º de primaria) e nivel 2 (para estudantes de 1º e 2º da ESO).

Os textos, de temática é libre, co único condicionante de que a historia aconteza na Galicia do futuro, serán orixinais e estarán escritos en galego e terán unha extensión dunha páxina DINA-4 por unha soa cara como máximo. Os centros deberán remitir un relato seleccionado como máximo de cada nivel (de ser o caso), en formato pdf, a través da web falarei.gal/certame. O prazo de recepción estará aberto do 25 de abril ao 16 de maio de 2023, ambos inclusive.

O xurado valorará a orixinalidade e creatividade, o coidado na redacción e o uso correcto da lingua galega das narracións.

Premios

O relato gañador de cada nivel cada nivel poderá gozar dunha excursión para toda a clase do autor, con transporte incluído, a unha granxa da empresa, durante o curso 2022/2023, onde poderá vivir a experiencia de ser gandeiro ou gandeira por un día. O/A autor/a da historia gañadora recibirá, ademais, unha mochila de vaca Feiraco. Alén diso, as mil primeiras persoas participantes recibirán un estoxo e o alumnado finalista de cada centro participante, un caderno de vaca Feiraco.