Simpáticas interpretacións dalgunhas das nosas cantigas populares nas voces do alumnado de infantil do CPR Eduardo Pondal. Unha fantástica idea na que se involucraron ademais as familias, piares da transmisión oral, cantando, bailando, dramatizando ou tocando o pandeiro, a pandeireta, as cunchas...; moi atinada para festexar datas tan sinaladas como o Día da Lingua Materna, a Semana da Literatura de Tradición Oral ou as Letras Galegas, e máis, se cabe, as do 2025.