Actuacións desenvolvidas polo EDLG e o alumnado de 1º de bacharelato do CPR Santa María do Mar con persoas privadas de liberdade que cumpren o terceiro grao no Centro de Integración Social da Coruña. Esta iniciativa de voluntariado deu excelentes resultados, entre outros, un receitario poético con pratos preparados entre todos e unha exposición fotográfica que inclúe fotos de distintos barrios da cidade herculina acompañadas de poemas de autores galegos.