O pasado 10 de decembro, na sede da Secretaría Xeral da Lingua (SXL), outorgáronse os premios aos mellores audiovisuais presentados ao Concurso Galego de Vídeos Científicos (Novos Poliedros) promovido por Igaciencia, co apoio da SXL, para fomentar o uso do galego no eido da ciencia.

Entre os traballos galardoados atopamos este vídeo explicativo sobre o proceso de construción do poliedro Foguete por un grupo de estudantes do CPI Plurilingüe Cabo de Area. Parabéns ao alumnado e ao profesorado responsables da actividade!