VerbaCRA é o nome deste excelente proxecto que xorde no Colexio Rural Agrupado de Oroso cos obxectivos de preservar a riqueza lingüística da súa contorna e transmitírllela ás novas xeracións. Un traballo de compilación de palabras, refráns, ditos, receitas etc. que se fai realidade grazas á colaboración de toda a comunidade educativa, tanto do profesorado e do alumnado como das súas familias.