A homenaxe a Rosalía de Castro chegou este curso a todos os recunchos do CEIP Pintor Laxeiro actualizando a súa figura e facéndoa máis presente ca nunca, como se pode ver nas distintas manualidades do alumnado e, sobre todo, na mesa redonda que mantiveron os rapaces e rapazas de 6º de primaria. Na súa interesante conversa ademais de recitarnos algúns dos seus coñecidos poemas, reflexionan arredor da modernidade da autora, da súa fonda pegada inspiradora e de como vería ela as cuestións do presente en canto ao feminismo, as desigualdades etc.