Un ano máis o profesorado integrado no Seminario Galán comparte con todo o colectivo docente os seus recursos didácticos das Letras Galegas 2026. Ademais da cronobiografía ou do álbum de fotos de Begoña Caamaño, tamén nos ofrecen materiais para imprimir (carteis, díptico, marcapáxinas, escolma de textos, cuestionarios de preguntas...) e divertidas actividades interactivas en formato Genially.

Parabéns e agradecementos a todas as profesoras e os profesores que forman parte do Seminario Galán por contribuír á divulgación da vida e obra da escritora homenaxeada o vindeiro 17 de maio entre o alumnado de infantil e primaria.