Co gallo do Día da Poesía (21 de marzo), o alumnado de 5º e 6º do CEIP da Espiñeira-Aldán achéganos esta excelente presentación dixital arredor da vida e obra de Bernardino Graña, poeta que foi o seu ilustre veciño de Cangas.

Para este completo traballo elaboraron ilustracións, textos informativos cunha liña do tempo e un lapbook; audios con recitados dalgúns dos seus poemas; propostas de actividades e mesmo xogos interactivos como un encrucillado, un pasaletras ou un divertido cuestionario "explosivo".