Chega ao FalaRedes a segunda edición de Os Bolechas deportistas para alegrarlles o verán aos nenos e nenas de 15 concellos galegos pertencentes á Rede de Dinamización Lingüística. 

Os Bolechas deportistas xogan no tempo é un espectáculo ao aire libre que combina o teatro de monicreques con explicacións, preguntas e probas pensadas para que participen nenos e nenas de 4 a 9 anos e as súas familias. Nesta nova proposta dos Bolechas deportistas combínanse, da man dos coñecidos personaxes de Pepe Carreiro, a lingua e o deporte, o xogo coa aprendizaxe. Con esta actividade, Carlos, Loli, Pili, Braulio, Sonia, Tatá e Chispa dan a coñecer diferentes disciplinas deportivas e animan ao uso do galego durante a súa práctica.