O Centro de Estudos Galegos da Universidade de Deusto organiza unha conferencia en que se presentará o proxecto de película documental Sitio distinto. Unha historia entre dous pobos. O relatorio será impartido por Davide Cabaleiro, director e produtor do proxecto.
O Centro de Estudos Galegos da Universidade de Estremadura, co gallo das Letras Galegas 2016, expoñerá na Facultade de Filosofía e Letras os carteis da Secretaría Xeral de Política Lingüística sobre a vida e a obra do cantor da Terra Chá.
Para conmemorar o Día das Letras Galegas 2016, o Centro de Estudos Galegos (CEG) da Universidade Nova de Lisboa organiza no Centro Galego de Lisboa a conferencia "Voltar a Portugal: dourada luz que ilumina", de Mercedes Queixas Zas, que se centrará nas intensas relacións que o poeta chairego tivo con Portugal e a súa cultura dende a década de 1960.
O Pati de Lletres da Universidade de Barcelona (UB) acolle unha mostra de libros escritos en galego organizada polo Centro de Estudos Galegos.
O Centro de Estudos Galegos da Universidade de Barcelona (UB), co gallo das Letras Galegas, organiza na Biblioteca de Lletres unha mostra sobre Manuel María e a poesía social que tanto cultivou nas décadas dos 60 e 70.
O Centro de Estudos Galegos da Universidade de Barcelona (UB), co gallo das Letras Galegas 2016, leva ao Pati de Lletres unha exposición sobre a traxectoria persoal e profesional do cantor da Terra Chá.
