A Asociación Internacional de Estudos Galegos e o Centro de Estudos Galegos de Varsovia, xunto con outras entidades, organizan este congreso virtual arredor dos pasados alternativos, presentes paralelos e futuros imaxinarios que conforman xéneros narrativos puxantes nos comezos do século XXI.

O Concello da Estrada, co apoio da Secretaría Xeral de Política Lingüística e a colaboración da Editorial Galaxia, convoca o I Premio Alberte Quiñoi de Álbum Ilustrado.

Resolución da Secretaría Xeral de Política Lingüística da Consellería de Cultura e Turismo pola que se acorda darlles publicidade ás bases para presentar creacións culturais, bens ou servizos de consideración análoga, coa finalidade de configurar un fondo de contidos creativos de interese cultural e artístico, lingüístico e turístico denominado Fondo de Proxectos Culturais Xacobeo 2021, e se anuncia a apertura do prazo para que as persoas físicas e xurídicas do sector cultural interesadas poidan presentar as súas iniciativas.

A XVI Xornada de Dinamización Lingüística, organizada por Ferega coa colaboración da Secretaría Xeral de Política Lingüística, é unha actividade aberta tanto a docentes de centros públicos como concertados e privados, que este ano se desenvolve por primeira vez pola vía dixital, debido aos efectos da COVID-19.

O Centro de Documentación Sociolingüística do Consello da Cultura Galega, co apoio da Secretaría Xeral de Política Lingüística, organiza a XXII edición dos Encontros para a Normalización Lingüística.

RESOLUCIÓN do 19 de outubro de 2020, da Secretaría Xeral de Política Lingüística, pola que se anuncia a adxudicación de dez bolsas de formación en proxectos de investigación do Centro Ramón Piñeiro para a Investigación en Humanidades.

O Camões, Instituto da Cooperação e da Língua, I.P., a través da Coordenação do Ensino Português em Espanha e Andorra e do Centro Cultural Português en Vigo, organiza a XVI edición das súas xornadas de actualización didáctica para profesorado de Portugués Lingua Estranxeira, que este ano versarán sobre modelos de avaliación.

ORDE do 18 de xuño de 2020 pola que se establecen as bases para a concesión de subvencións ás entidades locais de Galicia para a promoción do uso da lingua galega e se procede á súa convocatoria para o ano 2020 (código de procedemento PL400A)