Volver

Ciencia en galego

Ciencia en galego

Desde que, no ano 2001, a UNESCO declarou o 10 de Santos como Día Mundial da Ciencia para a Paz e o Desenvolvemento, novembro pasou a ser para todos nós o Mes da Ciencia. En consonancia con isto, desde hai oito anos o profesorado de Galicia comezou a celebrar en novembro o Mes da Ciencia en Galego. O obxectivo desta conmemoración é o de mostrar que a lingua galega é útil e tan válida como calquera outra para facer pescuda, ensino e divulgación científica.

Cada ano Igaciencia (Institución Galega de Ciencia) propón dous científicos, un galego e outro estranxeiro, aos que dedicarlle o Día da Ciencia en Galego.

Tendo en conta que a Unión Europea decidiu declarar 2018 Ano Europeo do Patrimonio Cultural, acordaron centrar a celebración na temática "A cultura científica e a cultura galega como patrimonio cultural europeo".

En consonancia con isto, propoñen renderlle homenaxe a Arquímedes, un dos máis grandes cientríficos euroepeos de todos os temos nos ámbitos da fisica e das matemáticas, e mais ao mestre Mateo, arquitecto do Pórtico da Gloria.